السلام عليكم ورحمة الله وبركاته



محاوره جمعت بين الشاعر الكبير / عبدالله بن شايق , والشاعر المتألق / مرزوق المقاطي



في قصر الجلسان , 18/7/1431 هـ







عبدالله بن شايق


قولو بسم الله خير البدايه يا نبيه=ثم قول الحمد لله رب العالمين
اهدنا الصراط صراط من انعم عليه=غير المغضوبي عليهم ولا الضالين امين


مرزوق المقاطي


ابد بسم الله والمصطفى صلو عليه=اسمعو يامن حضر واشهود يا مسلمين
والله اني محتسي بالريال وبالجنيه=وان دفعت اريال ذليل نعطيك اريالين


عبد الله بن شايق


لو يمين الرجل ياكل بها مما يليه=كان ماخذتو واخذنا حقوق الأخرين
الضروف احيان(ن) اتخلي العاقل سفيه=وانته الي تدفع الوحده والأثنتين



مرزوق المقاطي


احسبنك تنطق الحق واثرك ما تبيه=تاكل الي تاجده بالشمال او باليمين
سيفي الي لجلكم فالشدايد محتسيه=يقطع لأرقاب والموت في حبل الوتين


عبدالله بن شايق


ما تمشيها علي هيه يا هيه ابن هيه=ابك هاذي خلها لصغير والجنين
سيفك الي في يدينك تشده وتحنيه=انكسر في يدك واصبح بيدك كسرتين


مرزوق المقاطي


ابن شايق لو لقى الحر يمكن يشتويه=يحسب(ن) الرين ما غيرها في نجد رين
انت رجال(ن) تصوغ الذهب وانا اشتريه=والله اني فاطن(ن) لك عسى راسك فطين


عبد الله بن شايق


ابن شايق يرقب الحر باقي يحتريه=روح للي مانظر فيك غير بنص عين
احترمك اولا حسبك من مشاريع الفقيه=انت من روس العرب ياعشير الغانمين


مرزوق المقاطي


والله انا قسمنا بين بيضان الوجيه=مثل قسم الذيب بين التفه وابالحصين
احترمك اولا دريت ان عقلك ترلاليه=لين شفتك رحت ليسار واتعود يمين

ارحب يالسموحي ولاهنت ويتم نقلها الى قسم المحاورات المنقوله

تسلم يابن عايد أو وجهك أبيض وأشكرك على مرورك المشرق

تسلم يابن عايد ونتشرف بمرورك وابيض وجه اليوم ودوم

الله لايهينك يالمصرقع ولاكن اللقافه تراها قرافه والا عشانك تمون ترد بدل مني انا ترى موجود اربع وعشرين ساعه على المنتدى وانت خلك بحالك وفي ديرتك والله يسامحك

صح السنتهم جميعا

ولاهنت على هذا النقل الطيب

ارحب يا السمووحي ...

الله يعطيك العافيه على النقل الاكثر من رائع

تقبل تحياتي ومروري

مشكوووووووور ويعطيك العافيه ... تقبل مـروري .

لاهنت الله يعافيك

شكراا من الاعماق

بحفظ الله وموفق خير

لا هنت يا السموحي على النقل الجميل