السلام عليكم ورحمه الله وركاته :.


قصة من قصص الوفاء والتمسك بالصداقة

قصه جرت من حوالي ثلاثين سنة حيث كان الشاعر الشيخ حمد بن سمعان من قبيلة قحطان ساكنا بجوار ه أمير اللواء الثامن بالحرس الوطني سابقا المرحوم الشيخ محمد بن مناحي الهيضل شيخ الدعاجين من عتيبة ويقضون وقتهم في تبادل القصص والاشعار وفي يوم من الايام جاه رجل ويبكي ويقول صديقك محمد توفي ويطلب الحل فتأثر حمد وسكت قليلا ثم راح وربعه لدفنه وعندما انتهو من دفنه بقى حمد عند قبره فأخذ يرثي خويه وقال ابياتا من الشعر ذكر فيها خصاله الحميدة حيث يقول






يا الله ياللي فـوق خلقـه رقيبـي *** يا مدبـر كـل المقاديـر باسبـاب
عنا على الدنيا ولأمـر الصعيبـي *** واغفر لنا يا اللي على العبد تـواب
أمس الضحا غافل وقلبـي مغيبـي *** واوحيت حس مصيح صاح مرتاب
قلت الخبر قالـوا فـراق الحبيبـي *** قالوا محمد ميـت والقـدر صـاب
فريـت فـرة مستخـف رعيبـي *** وجضيت جضة من كلا رجله الداب
والصدر بالعبرات ينحـب نحيبـي *** والدمع من عيني على الخد سكـاب
قبيلتـي قحطـان وابكـي اعتيبـي *** ابكي على ريف النشاما إلى غـاب
مادبر الله كـان غصـب وطيبـي *** ولا احد بحكمه له نكيـف وطـلاب
مرحوم ياللي مـا شكـاه القريبـي *** ولا شكوا منه الرفاقـة والاجنـاب
سهل الجناب ومحضره مـا يغيبـي *** له مجلس يـرده عيـال وشيـاب
يامـر لهـم بمهيـلات وطيـبـي *** دايم دوام وراعي الكيـف صبـاب
ويدني خويـه بالمكـان القريبـي *** ما يتركه محقور يجلس ورى الباب
والى هـرج كـل لهرجـه يجيبـي *** مافيه من بعض القشر زود ورهاب
شيخ ولد شيخ وساسـه عريبـي *** والطيب له من ساس جده والانساب
ماله جنيس كـود حلـو الحليبـي *** من الملا ما يكرهـه كـل شـراب
عسـاه بالجنـات مالـه حسيبـي *** والحـور يلقنـه بفـزة وترحـاب
ولامات شيخ مـرث لـه عقيبـي *** فرخ تنهض بين صايـح وجـذاب
خالد ترى كسب المراجل صعيبـي *** يكود من عض النواجـذ بالانيـاب
حاذور من خطوى جليس غضيبـي *** يودعك شيـن بالرفاقـه وسبـاب
مجالس اهل الشـر ذنـب وعيبـي *** ومجالس اهل الخير يدخلك الابواب
باب المعـزة وارتفـاع ا لنصيبـي *** باب الهدى والرشد للخيـر كسـاب
وصلوا على سيد العبـاد الحبيبـي *** اعداد ما خط القلـم حبـر وكتـاب





وتقبلوا خالص تحياتي




م / ن

مشكوروالله يعطيك العافيه على قصة الوفاء والاخلاص تقبل مروري

مشكوووووور
أخوك / السموحي
والله يعطيك الف عافيه



اسمح لي ابدي اعجابي بقلمك وتميزك واسلوبك الراقي وتالقك

ارحب يابن عايد ولاهنت على المرور

ارحب يالسموحي ولاهنت على المرور

مخاوي اللّيل مشكور على القصه والقصيدة والصراحة هذا يدل على الوفاء بين الاصدقاء واللذي قل ما نجده هذه الأيام ، الله يعطيك العافيه ولا يهينك ولا تحرمنا من جديدك ... تقبل مروري .

ارحب ياابيض المشعاااب ولاهنت على المرور

السلام عليكم ورحمة الله وبركاته
مشكوووووور والله يعطيك الف عافيه
لاهنت وبيض الله وجهك ع النقل الطيب
وهذا يدل ع الخلاص والوفا
وصح لساااان الشاعر وقصيدة مؤثر...

ارحب ياراعي العصلاء ولاهنت على المرور

الله الله عليك يامخاوي الليل
مشكوروالله يعطيك العافيه على قصة الوفاء والاخلاص تقبل مروري

ارحب يابوعبدالله ولاهنت على المرور

ارحب يابوتركي ولاهنت على القصيده والله لايفرقنا عن بعض تقبل مروري

ارحب ياشافي ولاهنت على المرور

جميل يامخاوي
قبيلتـي قحطـان وابكـي اعتيبـي *** ابكي على ريف النشاما إلى غـاب
مادبر الله كـان غصـب وطيبـي *** ولا احد بحكمه له نكيـف وطـلاب
مرحوم ياللي مـا شكـاه القريبـي *** ولا شكوا منه الرفاقـة والاجنـاب