الفديع بن هدلان
07-15-2009, 03:16 AM
ياهاجسي صمتك معلمني الصمت = لوكان بوحي له من الناس سامع
مافيه داعي للحكي لو تأزمت = دامك تحس بداخلي شي قامع
احيان تاخذني معك كل ما حمت = ويردني برقن مع الارض لامع
شتات خطوه يا أماني توهمت = احلام عيني نثرتها المدامع
يمكنها غبت قدر وسطها عمت = لكنها ماهي بلحية مطامع
جبت الدهر قدام عيني ولزمت = بانه يفسر ما حوته الجوامع
تفاقمت منا ومنا وانا قمت = عنها وخليت الطواري ترامع
ياهاجسي مدري متى ارتاح لانمت = وانا مغاتيري تحن وتزامع
عليك يارب له الامر سلمت = بالمغفره وبرغد الايام طامع
مافيه داعي للحكي لو تأزمت = دامك تحس بداخلي شي قامع
احيان تاخذني معك كل ما حمت = ويردني برقن مع الارض لامع
شتات خطوه يا أماني توهمت = احلام عيني نثرتها المدامع
يمكنها غبت قدر وسطها عمت = لكنها ماهي بلحية مطامع
جبت الدهر قدام عيني ولزمت = بانه يفسر ما حوته الجوامع
تفاقمت منا ومنا وانا قمت = عنها وخليت الطواري ترامع
ياهاجسي مدري متى ارتاح لانمت = وانا مغاتيري تحن وتزامع
عليك يارب له الامر سلمت = بالمغفره وبرغد الايام طامع