سوار الذهب :






قلت وين العاطفي قالـوا ورا سبـت العلايـا
والديّر عيت تشيل اجوادها .. يازرق سمـاوي
انتم اللـي باليمـن والشـام صليتـوا عرايـا
وارثعت ريمه وطاح شدادها .. يازرق سماوي





ابن شايق :





العواطف في صحاري نجد وتقـود السرايـا
من لقى له صيدةً يصطادها .. يازرق سماوي
ابك حنا اصل العرب واهل المعارك والحمايا
اقحطان اتعرف قدح زنادها .. يازرق سماوي



سوار الذهب :





ليش قدام الشريف حسيـن عقلـت المطايـا
ناقصه لو قام ابوك وزادها .. يازرق سماوي
عارفين اجدودكم وعدودكـم لـو بالحلايـا
هدت الجمه على ورادها .. يازرق سمـاوي





ابن شايق :





انت ورع ولا تعرف اللـي عطيتـوه الهدايـا
روح لمك شوف ثوب حدادها .. يازرق سماوي
مايعرف القصه الا اللي ورد حـوض المنايـا
انت مع ناساً خدر برادها .. يـازرق سمـاوي




سوار الذهب :





مانبا فيكم جميل انسوقكم سوق الرعايـا
والحديده حدها حدادها .. يازرق سماوي
الله اكبر لو نبا نكشف على الناس الخفايا
بعتها ثم انفرط عدادها .. يازرق سماوي





ابن شايق :




خيلنا مثل البروق وجيشنـا مثـل الحنايـا
انشد العقال عن مهجادها .. يازرق سماوي
يامطير الكذب عيب ولا نـدور للخطايـا
والمطيريه تحفظ اولادها .. يازرق سماوي




سوار الذهب :





ماعليك الا لهيـب النـار يارقـط الحيايـا
والحديده مانحب اسيادها .. يازرق سمـاوي
لا تسرحها على درب الخطر هجفن حفايـا
كل دعوى حافظين سنادها .. يازرق سماوي





ابن شايق :





كيف اخاطب واحداً مخه ماباقي له خلايا
اعبد الاصنام ياعبادها .. يازرق سماوي



م ن ق و ل

صح السنتهم جميعا

لاهنت يامخاوي الليل

لاهنت يامخاوي الليل نقل مميز وصح السنتهم تقبل مروري

شيهاانه لاهنتي وسلمتي على المرور

ابن عاااايد لاهنت يالقرم على المتاابعه

خيلنا مثل البروق وجيشنـا مثـل الحنايـا
انشد العقال عن مهجادها .. يازرق سماوي
يامطير الكذب عيب ولا نـدور للخطايـا
والمطيريه تحفظ اولادها .. يازرق سماوي




الله الله على الاختيااار الرايع ,,



الله لايهينك يامخاوي الليل على الاختيار ,,



:":



تقديري واحترامي

الله يعطيك ألف عااافية
تقبل مرووري

ارحب ياوسمي شرفني مرورك الله يحفظك لاهنت ياكحيلااان

ارحب يالخنفري ومشكور كل الشكر على المرور الطيب والمتاابعه لاهنت يالقررررم

ابوتركي
لاهنت والله يعطيك الف عافيه ... تقبل مروري .

ابيض المشعاب لاهنت على المرور