بسم الله الرحمن الرحيم


أسد الخنآفر


ياعايض الليله الليله عليك السلام=من مزنة برقها قدام ودانها
ياعايض الطق لامن زاد فك الحام=والملعبه شرعت ذلليل بيبانها



عآيض العاآطفي


عايض ليا سل سيفه ما بقى لك كلام=يصحابنا الي تهز الـروس فمتانهـا
وان كان باقي بخشمك يا رفيقي عرام=نفرك خشوم العرب وايطيح شيطانها



أسد الخنآفر


كان البعير التهامي ما مسكه الخطام =عليه كل الجمال اتكظ لحيانها
الذيب ماياكل اجنوبه يا مال الرحام=يالي تعشيت غاربها وكرعانها


عآيض العاطفي

حنا اعتلينا وصرنا فـوق راس السنـام=مالـك ومـال الرعيـه عنـد رعيانهـا
السيف حده مضى وان قص صلب العظام=مدتك خذها وخـل النـاس فـي شانهـا


أسد الخنآفر


حنا شمال المدينه وانت في ام الحمام=والميته ما تثر الدم وردانها
عز الله انه غشاك اليوم كل الملام=مادام ما تمسك المهره مع اعنانها



عآيض العاطفي

يا طير يالي نشوفك في حلول الظـلام=اهل الحصاتين جنب روس فرسانهـا
بعطيك علم(ن) بصدري له ثلاثين عام=مير انتبه ركد على الحبه ونيشانهـا



أسد الخنآفر


ان كان تبغى القضاه مفسرين الحلام=ياحربة تشتكي للناس عيدانها
والعصر بكره ليا غنت طيور الحمام=ما ترتفع في السماء من دون جنانها



عآيض العاطفي

انته ترى جاهل(ن) توك بسن الفطام=حتى رسالتك مـا بينـت عنوانهـا
اليوم يوم انتكستو يا رفيـع المقـام=ما فادك الي تغيث العـام لوطانهـا


أسد الخنآفر


الجاهل الي ليا صلى ولبس الحرام=خل بمشاعر فروض الله واركانها

وان كان تاكل طعامك حل ولا حرام=شوف الجنازه على الالواح بكفانها


عآيض العآطفي

اعيونك الي تغشاها لذيـذ المنـام=حتى درع فالغنم فاليل سرحانهـا
القاف معنى وحبكه مثل حد الحسام=يالحيه الي بسيفي قاطع السانهـا [/color]