خلوووووووووووها اسمع
يامعزب الجن قالو فيك شك(ن) وريب
ردك قـوي بـس يـالـيـتك تـثـبـت لـــنا
وان قاله الله يبين السر وسط القليب
ياليت بعض العرب يرتاح من ذا العنا

خلوووووووووها


أمعزب الجن ساقك لين راس الشعيب = يا التايه اللي حداك الحظ صوب الفنا
اقدم يا راعي القليب اللي غدى لك نحيب = وانا ادري أنك تهاب أن شفت ضرب القنا

خلوووووووووها

ماتدري ان العرب دايم عليهم رقيب = وانا خصيمك ولاكن خلك بضلنا
وان جيت والله تشرب من هذاك الحليب = اللي يبا الطيب يالصاحب يدور لنا

خلووووووووووووها

كانك جسورن على االمعنى وعظمك صليب = إقدح سنا يا ضرير العين وأقدح سنا
حليبك اردف له خلافك ويلقى شريب = حذرا نقول الغشيم اللى هدم ما بنا

هههههههههههههههههههههههههههه
هد اعصابك ا
الله يعطيك العافيه

هههههههه

الله يعطيك العافيه كذلك

اخوي الصاحي

من قالك ان الاعصاب منشده بيني وبينيك محاوره (نقض وفتل ) لا اكثر ولا اقل

واصل انا معك

لك تحياتي

يامعزب الجن انا حبيت اثير اعصابك كلها مزح
والان حسيت انك ماخذ في نفسك واهم شي لا تشيل في نفسك شي علي
والله اني ما احب اتحاور الا معا واحد يعجبني رده واسلوبه
والله اني حبيتك وانا ما اعرفك وانت اضن انك ماتعرفني
وابشر بالرد وانشا الله نلف يمين اشوي
بس بنام اللحين طلعت الشمس

اخوي الصاحي

ثق تمام الثقه بأن (معزب الجن ) لم ولن تثيره لا انت ولا غيرك مهما كانت الامور دام الدعوى قاف
وأريدك ايضا ان تثق تمام الثقه وتاخذ في الحسبان بأنني لم ولن اشيل عليك ولم اخذ في خاطري عليك ولا على غيرك لأن الدعوى بينا محاوره (فتل ونقض ومعنى )مثل ما قلتلك ما هيب( حرب )

وحنا بأنتظارك اخوي الصاحي

الله الله
لاهنتو يالشعار
واصلو المسيره

يامعزب الجن وانته ياشنب ياشنيب = بعض السواليف ماتاتيك من عندنا
ياذيب ياللي عويت والله منته بذيب = نرميك لا شفتنا ونذبحك لا جيتنا

خلووووووووووووووووها


ياصاحي القوم وانته ياذنب ياذنيب=تشرب على يد غيرك ما براسك طنا
تاطا ديارالذيابه وانت فيها غريب=تنبح وفي مرقبن عالي تجر الغنا

انا كما صقر منزاله براس الرقيب = والا انت بوم(ن) على الجدران سدرتنا
كانك تدور صحيب والا تبي لك حبيب = ياصاحبي ياحبيبي يا بعد كلنا

خلوووووووووووووووووووها

لا تدعي بالسلامه وانت جسمك عطيب = يا اعلاقة القوم لا تاطى على حدنا

ادلالك الفايره يا بوك صارت سريب = واجمالكم ساقها الحواف في ودنا

لا هنت يامعزب الجن فرصه سعيده اللعب معك والايام اطوال

لا هنت كذلك يا الصاحي ولنا لقاء بأذن الله