قولو لبن دراج سيفي بالجفير أمغمده = وإليا شهرته يخبر أصاحابه تدور له كفن

الضلع ثابت ما تزحزح والضوي أمرمده = لا من نطحته يذبحك وأن طاح فوقك تندفن

معزب الجن متنشط

قولو لبن دراج سيفي بالجفير أمغمده = وإليا شهرته يخبر أصاحابه تدور له كفن

الضلع ثابت ما تزحزح والضوي أمرمده = لا من نطحته يذبحك وأن طاح فوقك تندفن



يامعزب الجن اذكر الله واشكره واتحمده ** وان ماحمدته شفت لك شين يشييب بالجفن
وليا لقيتك جرحك اللي جاك من بيضمده ** واللي جرحته فيه طعنات الخناجر يعرفن

الصاحي حياك وبياك ههههههه لا يهمك نشيطَََ خلقه

يا صاحبي حذرا رصيدك فااللقى لا أجمده = لد النظر صوب الضرايب لا علن ولا هفن

ثوبك ليا ناشه لهيب النار بالما خمده = لا تحترق يــــوم الاوادم فالطرايق وقفن

فالملعبه قافي على كل الطروق معمده **سوق الركايب وانتبه لعيونك اليا من غفن
يوم العرب تشرب هماج الماء وهي متعمده ** حنا وردنا الماء وصدرنا مشاريبً صفن

صح لسان الشاعرين وبيض الله وجيهكم

عذراَ النت متعطل عندي من البارحه

خلوها استلم


انته هجومك صلب لكن العيون امرمده = خلك معي وسط البحر حتى نقود إلك السفن

التايه اللي فالبلد برد الشمال ايجمده = حنا سبينا ثوبه ورجليه فالطرقه حفن

التايه اللي فالبلد ماله رفيق يصمده ** طب بغياهيب البحر يوم البواخر ينكفن
لا شك بانت فيه وقعات الضروب مكمده ** طبعً لنا ياخوك من عاد الاصايل يعسفن

خلوووووها

استلم يابن دراج


أيد الحرامي تقطع ورووس العباد امصمده = لو يدعي قدم العرب يوم المنايح عطفن

اركد هداك الله وخل العالم المتخمده = سوطين جاته و اقتفاها سوط ثم قلنا كفن

ههههههههههههههههه

هداك الله يامعزب الجن

والقاف شاب والجايات اكثر ياذيبان

ارحب ارحب يابن دراج

لا هنت وما قصرت الله يعطيك العافيه

ثلاث بيوت القاف شاب
فعلا" القاف شاب لهم ساعتين يلعبون

شامان انا ما ادري وش اللي لقفك

لكن راح اقول لك ان اللعب اذا طال

والقافيه عسره يضيع الموضوع وتجبرك القافيه

على مفردات لاتريد ان تدرجها ضمن الابيات

وعلى كل حال خلك في حالك ياشامان لانك ماوصلت

لدرجة انك تقيم الله يهديك الف عافيه عليك