هذه القصيدة للشاعر عبدالله بن عايد الفضلي رحمه الله بواسع رحمتة
وأعتبرها من افضل ما سمعت من القصائد



ابـغـى حـداكـم يــا بـنـي الـعـم يحـتـس # # مـعــاد بـاقــي واحــــد(ن) نسـتـشـيـره


نبغـى لـنـا مــن وارد امريكـيـا جـمـس # # امجهز(ن) من معرض الجمـس خيـره


مركبن على الكتلـوج بالفكـر والـدرس # # يـحـتــار فــكــر مـوصـفــة بـتـعـبـيـره


يفـز خـوف (ن) مـن جهنـم لـيـا لـمـس # # علـيـة جـغـمـة مـــن جـهـنـم خـطـيـرة


اسرع من اللي فـي النصـوب يتلامـس # # لـيـا لـمــس سـلـفـة سـلــوك الظـفـيـره


يفـز والمـاطـور مــا سـمـع بــه حــس # # اخـف مــن صــوت الشـويـر لشـويـره


مـا سمـع بـه طـقـة ولا لعـلـع الـتـرس # # ولا حـــن بـنـيـونـة ولا حــــن قــيــره


شعره دركسونة وفرمـل علـى الدعـس # # ربــع الاشــارة توقـفـة عـــن مـسـيـره


واديـتـرة ممـتـاز مــن خـيـرة الجـنـس # # ومضمـنـن مــا شـفـت تضمـيـن غـيـره


وعلية صندوق(ن) لا مايـل ولا اقعـس # # صـفــت حـنـايـاه الـيـديــن الـشـطـيـره


وعـلـيـة طـبـلـون ومــراتــب مـلـبــس # # وســتــة تــوانــك للـمـسـافـر نــذيـــره


ان جيت مـن قـدام وان جيـت بالعكـس # # يشـتـاق لــه قـلــب(ن) نـوالــه بـديــره


اشرو حلال القوم أنـا خاطـري عمـس # # مـا عـاد فـي غـبـاي الحقـايـق بصـيـره


وليـا انتهـى التمريـن وانهيتـو الفـحـس # # وركبـتـو اشراعـتـة وشـرتــو خـبـيـره


فامشـو مـن الثقبـة قبـل مطلـع الشمـس # # وادعـو عسـى فـي مـا تحـبـون خـيـره


وليا استوى الكبوت في الخـط الاملـس # # الـلـي مـثـل ظـهــر الطـلـيـع المـغـيـرة


من دون خشم العـان مـا ابغيـك تجلـس # # ولا ابـغـى تـزلـه لــو يقـولـون حـيــره


معكم وصايا اليوم واخـذو علـوم امـس # # لـك عنـد ابـن فيـحـان جلـسـة قصـيـرة


وتوانـك البنـزيـن والـمـاء تـبـي تــرس # # ومــن الـريـاض الـخـط قــرر قـريـره


ثم واصلـوا ممشـاه واطلـق لـه الحبـس # # تـــراك حــبــاس الـونـيــت وخـفـيــره


اقطع مسافة عشر ساعـات فـي خمـس # # مـدو كمـا صـقـر صـمـل فــي مطـيـره


زل ظرمـا ومــرات مـالـي بـهـا نـفـس # # والــكــم بـشـقــراء دلــــه واتـعـمـيـره


والدوادمـي وبيـر صقـر وعفيـف انـس # # نـسـيـان مـعــروض الفـقـيـر لـمـديــره


والـيـا وصـلـتـو ظـلــم تـغــد وانـعــس # # مـقــدار ســاعــه واعـتـبـرهـا كـثـيــره


ثـم عرضـه خـط (ن)وزود لـه اللمـس # # وامــش المـحـازه بانـفـراك الظـهـيـره


العـصـر الاول زل رضــوان مـمـرس # # والعـصـر الاخـيـر بـقـهـاوي الـقـديـره


وقــف واخــذ مـجـلاس فيـهـا مـونـس # # مشجعـك مشيـك مـن اقصـى الجزيـره


ولـيـا تـلاقـى الـيـوم واللـيـل الادمــس # # فادخـل وخـل كــل البـلـد مــن يسـيـره


ونـحـر رياجـيـل لـهـا الطـيـب مـسـس # # تـفــز لا قـيــل ابـشــروا بـــه بـشـيـره


خــذ عنـدهـم مـجـلاس سـاعـه مقـيـس # # لـيـن المـغـرب مـــا نـريــد اتخـسـيـره


ثــم انــزل الـســوق وتـقــظ وتـحـنـس # # وقـص الونيـت مـن اولـه لـيـن اخـيـره


وغيـر زيـوت وصـب بنزيـن واحـتـس # # حـســو المـسـافـر لـلـديـار الـعـسـيـره


يـا مــن عـلـى قـطـع الخـرايـم تـفـرس # # خطـك طلـع شـرق القـرايـا الصغـيـره


وليـا وصــل شقـصـان والـخـط قــوس # # يميـن وانـت افـرق مـع ايـسـر مسـيـره


مع خط ابـو راكـه ولـو خطهـا شـرس # # وديـان واجبـال وخطـوط (ن) غـزيـره


وليا وصلتو عمـق ابـه مفرق(ن)غلـس # # يوصـلـك لـبـلاد ابــن نـاصــر وبـيــره


ملقـى هــل السـرفـات لا جــن ظـبـس # # والـرجـل الاول فــي امــور العشـيـره


ان مـا لقيتـة قـزز الجـمـس ثــم امــس # # الـفــرش مـعـكـم والـمـلابـس وفــيــره


ولـيـا سمـعـت النـجـر بالفجرهـجـرس # # عـــزام لـبـيـوت الـسـخــا والـسـتـيـره


امـسـك طريق(ن)بيتمثـنـابـك الـغــرس # # لـلـي خــدم نـجـره بـصـوتـه ضـمـيـره


رجل(ن)عن الماجوب ما هـوب ينـدس # # ولا حــال مـــن دون الـغــدا بتـعـذيـره


يجـمـلـك هــرجــه وفـعـلــه يـنـومــس # # ولا نقـلـت الشـيـنـات مـنــه القـصـيـره


ولا جرهـم للشـر فـي الـيـوم الاتـعـس # # ولا هـوب مـن قـوم الوجيـه الشـريـره


ولا صار بـه بلسـه ولا يعـرف اللبلـس # # تعيـش يـا راعـي الـوصـوف الشهـيـره


عطـه الكتـاب اللـي مـن ابنـه مقرطـس # # الـلـي مــن الـغـربـه عـيـونـه سـهـيـره


ولـيـا قــراه فقـلـه اقـــره بـعــد نـكــس # # ثـــم قـــل ويــنــه فـيـحــان وقـطـيــره


عـشـاقـة الـنـامـوس حـرابــة الـهـمـس # # بـعـيـدة الانـظــار واحـمــا الـسـريــره


عـدالــة المـنـعـاج بالـخـاطـر الـنـحـس # # شبـابـة فــي كـبـود الاعـــداء ذخـيــره


يا عم ابه قاف(ن)حمس خاطري حمس # # هل تعـرف ان بعـض المثايـل ضريـره


الــج مـنـه اشــد مــن لـجـة الـضـرس # # واون ونـــة مـــن عـظـامــه كـسـيــره


نصيحتك لبخيت فـي وقـت(ن) ارمـس # # وش اودع الـمـرمـس عـلـيـنـا تـثـيــره


ارسلتـهـا لبخـيـت ولـيـا الـخـبـر نـــس # # وانـــا طـلـبـت الـمـدعــي وتـحـظـيـره


مـن الـذي قصـدك عـن الرابـعـه هــس # # ومــن الــذي قـصـدك يـشـوق نضـيـره


ان كـان يـا القاضـي بحكـمـك تـوجـس # # فالـهـيـئـة التـمـيـيـز حـــــق تـحـقـيــره


وان كان هو زهق بـك البـوم الاخـرس # # فـانـا اعتـبـرهـا مـــن لـسـانـك كـبـيـره


يجـيـك يــوم ومــن سـوالـفـك قـرنــس # # ثــم عــد نفـسـه مــن طــوال الشـبـيـره


الذيـب عـود فــي عـيـون البـشـر بــس # # والبـس صـار مــن السـبـاع الجسـيـره
والطاهر اصبح في عيون البشر نجـس # # والنجـس صـار مــن الوجـيـه المنـيـره





والـيــوم كـلــش فـــات والـعـلـم روس # # وتركـت طريـق الشـر مـا هيـب عيـره

http://img390.imageshack.us/img390/2585/np27wj4.gif (http://www.graaam.com/)
الف شكر على طرح القصيـــده الرائعه
صح السانك والسان شاعرها
بارك الله فيك والله يعطيك العافيه
مميز دائما بطرحك المميز
تحياتي
http://img390.imageshack.us/img390/2585/np27wj4.gif

ان جيت مـن قـدام وان جيـت بالعكـس # # يشـتـاق لــه قـلــب(ن) نـوالــه بـديــره



اشرو حلال القوم أنـا خاطـري عمـس # # مـا عـاد فـي غـبـاي الحقـايـق بصـيـره


الله يرحم الشـاعر ...

عز الله قصيــده جـزله ... لاهنت نقل موفق ...

بالتوفيـق أن شاء الله ..

:)

تقديري وأحترامي

يعطيك العافيه يراعي لمصنه

لا هنت وبيض الله وجهك ياراعي المصنه

الف مليون عافيه عليك
قصيده جزله واختيار جزل

الذيـب عـود فــي عـيـون البـشـر بــس # # والبـس صـار مــن السـبـاع الجسـيـره

والطاهر اصبح في عيون البشر نجـس # # والنجـس صـار مــن الوجـيـه المنـيـره


لاهنت قصيده من عيون الشعر شـكــ وبارك الله فيك ـــرا لك ... لك مني أجمل تحية .

الذيـب عـود فــي عـيـون البـشـر بــس # # والبـس صـار مــن السـبـاع الجسـيـره
والطاهر اصبح في عيون البشر نجـس # # والنجـس صـار مــن الوجـيـه المنـيـره


لاهنت على طرح القصيده الجزله
دنيا تقلب غيرت بعض الاحوال = ذل الفهد فيها وهاشت ابساسه

شـكــ وبارك الله فيك ـــرا لك ... لك مني أجمل تحية .

ارررررررررررحب يا خيال البلها
وشكرا على المرور

ياسلااام عليك قصيده جزله لاهنت على الطرح ومشكور

صح السااااااااان الشاعر

,,

,


ماشاء الله تبارك الرحمن

صخر القاف على ماقالوا تصخير

رحمة الله عليك يالفضلي

وسلمت يمنآك ياراع المصنه

الله يعطيك العافيه ولا هنت