سلام الله عليكم ورحمته وبركاته
محاوره جاده ومشادًه قويه بين الشاعرين العملاقين حقا بدون مجامله وإليكم مادار بينهما فل نبحر سويا مع
المحاوره شديدة اللهجه قوية المعنى بعيدة المغزى

شاعر المعنى
البرد مرن من جنوب ومر ياتي من شمال= والحر مخلابه جمر !! والنار من شبابها
البومه اللي داخله وسط الدحاله في الجبال=هذي صواديف القدر !! والنار من شبابها
المصدوع

البرد لامنه نزل ياصاحبـي روس الطـوال=اتحول اطيوره حدر .. والنار مـن شبابهـا
ترى العرب من قبلنا قالت حكم واخذ المثال=احذر من اصحاب الغدر .. والنار من شبابها
شاعر المعنى

فاالمربعانيه ترا ماينفعك بشـت وجـلال=ماينفعك غير السمر والنار من شبابها
اقطع عروق الشجره اللي مالها ظل وظلال=هذا الكلام المختصر والنار من شبابها
المصدوع
هاك السمر ياصاحبي واخذ دقاقـه والجـلال=غير اعتبر ثم اعتبر .. والنار مـن شبابهـا
وكان الشجر يبست عروقه فافتهم يابن الحلال=شوف السحاب ابلا مطر .. والنار من شبابها

شاعر المعنى

اصدورنا ضاقت مما نشوف ابنشرة الاحوال=والناس تنشرها نشر !! والنار من شبابها
ياالاجودي مالك مع الشعار دور ولا مجـال=طير" وجنحانك خضر !! والنار من شبابها
المصدوع
ترى الذي همه يتّبع هرج قيل وهرج قال = والله مايقطع بحر .. والنار من شبابها
الحرجه اللي فالوطا ألكم نصيب وراس مال = الحر ماهو كالنسر .. والنار من شبابها
صح الله السانكم جميع شاعر المعنى والشاعر المصدوع شعراء لايستهان بكم
صعبين المراس بعيدين المغزى نرجوالكم سمعه طيبه وغدا مشرق


الاثنين 8 صفر 1433