السلام عليكم ورحمة الله وبركاته 00وبعد
محاوره ممتعه وجاده بين الشاعرين المعروفين حوران وعايض بن سيف الخنفري وإليكم مادار بينهم
حوران

سلام والدعوى تراها تساهيـل=سلام تسليمة وفـى واحترامـي
يا عايض المنعور هات الفناجيل=بسقيك دلة كيف يوم انت ضامي
السيف

يامرحبا ترحيبـة البـدو بالسيـل=باللي لهم فالصدر قـدر ومقامـي
الكيـف يبغالـه دلال ومعامـيـل=يوم انت زاهب والفشق من حزامي
حوران
ابقاك ربي عد وبـل المخاييـل=ياللي ترحب بي بحسب النظامي
ازعفر الدله وابهرهـا بالهيـل=لا صار ماها من حقوق الغمامي
السيف

تستاهل الترحيب ياوافي الكيـل=مثلك له الترحيب رد السلامـي
يوم ان ماها من صدوق الهماليل=زانت لرآس الهاجري والزلامـي
حوران

ان كان تبغاها سيوف(ن) مصاقيل=في ذمتي ذمه ترى الامر سامـي
قال المثل الحمل يشتالـه اشعيـل=واذا عجز يلحقـه منـا ملامـي
السيف



ان كان لصدور النشاما مداهيل=انا لساني فالملاعب حسامـي
الحمل شلته يومك تحط وتشيل=لكن مايلحقك شـك وكلامـي
حوران

عود على الجـره وتلقاهـا تدبيـل=ان كنت نايم صح صح امن المنامي
ملاحظه ما هيب من بـاب تقليـل=تسطع مثل سطع البـدر بالتمامـي
السيف

ان كنت ياجيش ابرهه تركب الفيل=لاتقطع الفرجه ترى الطير حامي
ياللي تحسب الناس ماتعدل الميل=محدن يعرف الخوف مثل النعامي
حوران


لا صار في الدعوى ارسوم وتشاكيل=اصحابكـم تـارد ورود الحيامـي
ما تدري ان حنا على الهجن والخيل=انسوقها يا خـوك شرقـا وشامـي

السيف

تارد مثل ماتارد العيص والحيل=نشهد لكم لاصار عج وعسامي
سقها على كيفك وخل الدهاويل=والمعذره بكره ورانـا دوامـي
حوران

يا باغي المسرى برخصك ذالليل=عذرك معك الصبح ناوي صيامي
لكن بكره باقي(ن) عندي تاويـل=باعلمك من شان تعرف مرامـي


وفي الختام صح الله إلسان الشعراء الكرام في هذه المحاوره الممتعه
وتقبلو وافرتحياتي للجميع وشكرا
الجمعة 21 محرم 1433