http://ftll.cc/wp-content/uploads/2011/10/ضيدان-بن-قضعان.png (http://ftll.cc/%d8%a7%d9%84%d9%85%d8%b3%d8%a7%d8%ac%d9%84%d8%a7%d 8%aa-%d8%a7%d9%84%d8%b4%d8%b9%d8%b1%d9%8a%d8%a9/%d9%85%d8%b3%d9%84%d8%b7-%d8%a8%d9%86-%d8%b4%d8%b9%d9%8a%d9%81%d8%a7%d9%86-%d9%88-%d8%b6%d9%8a%d8%af%d8%a7%d9%86-%d8%a8%d9%86-%d9%82%d8%b6%d8%b9%d8%a7%d9%86/attachment/%d8%b6%d9%8a%d8%af%d8%a7%d9%86-%d8%a8%d9%86-%d9%82%d8%b6%d8%b9%d8%a7%d9%86-4/)

مـسـلـط بـــن شعـيـفـان
يا أمير أنا عندك حشيـمٍ وغالـي
ولا احب انا شئٍ يمـس الكرامـه
نفسي تروم المرجلـه والعوالـي
هذا هدف نفسـي وهـذا مرامـه
تاجرت في باب الشكالـه بمالـي
بعت الرخامه وأشتريـت القرامـه
قالو هبيل وجايزلـي اهبالـي
اهبال طيب ولا صحـاوة رخامـه
هذي تفاصيلـي وهـذي خصالـي
يقولها اللي ما زهـد فـي كلامـه
أن جزت لك فأنا الرفيق الموالـي
وأن عفتني مسموح ومع السلامه
دور وتلقالـك رفـيـقٍ بـدالـي
وكل يبـي رفقتـك ترفـع مقامـه



رد ضـيـدان بــن قـضـعـان


وليت يا مسلـط كريـم السبالـي
من هول بيتٍ يستحـق الزعامـه
بيـتٍ تمنيتـه وهـو مـا ينالـي
ودامه خطف قبلي فلا لـي ملامـه
انا اتهم انه خاطفه مـن خيالـي
في غفلتٍ كلٍ غرق فـي منامـه
لو كان وقتـي غرنـي عزتالـي
وغديت طير وهو الشبك والحمامه
وقت ٍ على كسابه الطيـب مالـي
يلعب بشيخان العرب لعـب دامـه
امن اولٍ تـذرى خشـوم الجبالـي
واليوم يغني عن ذرا الضلع خامه
ومع كل هذا مـا جمعـت الريالـي
ويهون موتي دون جرح الكرامـه
واجود باليمنى وتجهـل شمالـي
وهبال مسلط يعطي راسي زعامه
حي مهبـولٍ صامـلٍ مـا يبالـي
ولا صاحيٍ وقت الشدايـد هلامـه
الشعر بنـت لبـو زيـد الهلالـي
وبيتك يلوح بخدها كنه شامه
انأ اتهم انه ماخـذه مـن خيالي
في لحظهٍ قلبي غرق فـي منامـه

ارحب ياسيف والله لايهينك على النقل المميز وننتظرجديدك تقبل مروري

شكرا على مرورك العطر

لاهنت يا سيف وصح لسان الشاعر مسلط والشاعرضيدان.

ارررررررررحب ياسيف السيف وصح لسان مسلط وصح لسان ضيدان بن قضعان << اسمه صصصصصصصصصصصصصعب هههههههههههه

تقبل مروري