اقرب شاعر $$$ [الأرشيف] - مجالس الخنافر الرسمي

ابن دراج

09-03-2009, 12:40 AM

ذالليل ياشعار نبغى وسيمه=نبغى رجال(ن) بالمعاني فهيمه
ان كان به شاعر يذب الخريمه=والحق حق وقولو اللي تقولون

كان فالملعبه من يشعب ركابه=يبدع القاف والا يلعب لحونه
يعبد الله ويعط الحق لاصحابه=والعهد مايفرط فيه ويخونه

$%الحوت%$

09-03-2009, 02:12 AM

خلووها

ذا الليل جاك اللي لحونه وسيمه=شاعر ويعطي جزل الالحان قيمه
سر المعاني ياقوي الشكيمه=والحق حق وقولوا اللي تقولون

دام في الملعبه من يفتل اشنابه=لا بنى البيت ماحدن حرك ركونه
يقنب الذيب وتجاوب له ذيابه=والعهد نحتمي له دوم ونصونه

ابن دراج

09-03-2009, 04:10 AM

خلووووووووووووها

اهلآ هلا يالحوت يامرحبا بك@
ليل السعد ليل(ن) تكرم وجابك@
واحذر بتالي الليل لاينسرى بك@
والحق حق وقولو اللي تقولون@

ناس تصدق معاك وناس كذابه@
من لسان الرجل يبين مضمونه@
والمدير احرج الاستاذ باعتابه@
زاير المدرسه لازم تشوفونه@

وٍسمي نـجـد

09-03-2009, 08:06 PM

صح اللسنتكم ياشعارنا متاااابع بصمت

وارد العد

09-03-2009, 08:36 PM

صحت السنتكم جميع
واصلو

$%الحوت%$

09-04-2009, 02:58 AM

خلووووها

ما ينسرى الا بالعقول الهبيله=وانا معي عقل يساوي قبيله
كل(ن) معه للوقت حيل وحيله=والحق حق وقولوا اللي تقولون

منت مكلوف بالتاجر وبحسابه=دام بضعته وزعها بكرتونه
من يروم المراجل ما قفل بابه=وكل شخص يخز الناس بعيونه

ابن دراج

09-04-2009, 07:17 AM

خلووووووووووووها

والله كفو يالحوت والشك زايل@
لاشك عان القوم فوق الاصايل@
والقول ليتك تثبته بالفعايل@
والحق حق وقولو اللي تقولون@
الظبي تو عينك زان مظرابه@
كيف ضاع الظبي ياللي تحوفونه@
والمهرب دخل من دون يدرابه@
حملته في طريق الموت مرهونه@

وٍسمي نـجـد

09-08-2009, 06:07 AM

$%الحوت%$

09-09-2009, 04:43 AM

ابن دراج والجميع المعذره لي يومين ماقدرت ادخل المنتدى

خلوووووووووها

ولا عليكم زود ياهل النواميس=لا شك لا تبحث خفايا الكواليس
لا بد ما تذري عليها النسانيس=والحق حق وقولوا اللي تقولون

ليتك تخلي المكتوب بكتابه=دام حن عارفين القاف ولحونه
القوافل تسير وتنبح كلابه=سنة(ن) من قديم الوقت مسنونه

.

وٍسمي نـجـد

09-09-2009, 06:29 AM

صح السانك ياالحوت موال وبيوت جزله
وبنتظار ابن دراج
تقبل مروري

ابن دراج

09-09-2009, 06:46 AM

خلووووووووووووووووووها

يومك تعرف المخطيه والمسده@
القاف لامن جاك لازم ترده@
والراي لاتبخل علينا وبده@
والحق حق وقولو اللي تقولون@
ودي اسأل عن الموضوع واسبابه@
كيف راعي الجمل ساقه على هونه@
ما غنم طير ابن برمان ماجابه@
نكبة(ن) ماتسر اللي يهدونه@

$%الحوت%$

09-10-2009, 02:10 AM

خلوووها

العلم غنت به جميع العصافير=ولا عاد يلزمنا نقدم تقارير
والراي مايحتاج كثر التفاكير=والحق حق وقولوا اللي تقولون

واحدن طاح له في ناس نصابه=يحسب المجد في هرج(ن) يقولونه
زاع يبغا الهدد والراس بقطابه=وضاع في رحلة(ن) ماهيب ميمونه

ابن دراج

09-10-2009, 03:39 AM

الذل مانجى الحباري من الموت@
ياشاعر(ن) فاهم تسميت بالحوت@
واللي يموت يحط في جوف تابوت@
والحق حق وقولو اللي تقولون@

ماتضيع الحقوق وفيه طلابه *** لكن الحوت مطلبنا قصر دونه
دام ابو زيد يخشى الموت ويهابه *** ما اتعامل واشارك ناس مديونه

$%الحوت%$

09-10-2009, 06:49 AM

خلوووها

حطيت لك رمز(ن) وجبنا معانيه=لكن عقلك تايه(ن) في مساريه
ما هو ضروري نذكر الاسم يابيه=والحق حق وقولوا اللي تقولون

ما قصرنا عن المعنى وجينا به=ولا علينا من اللي ضاع بظنونه
لا تحسب العرب ما تعرف الجابه=كل دينار له ناس(ن) يسكونه

ابن دراج

09-10-2009, 09:25 PM

خلووووووووووووها
الحوت ضاع وضيع الله دليله@
يومه يحسب انه تعدى الطويله@
مايدري انه في ضلال النثيله@
والحق حق وقولو اللي تقولون@
كل طير(ن) يصيد بحد مخلابه@
لكن الحوت يبغى من يدلونه@
شفت برق السحاب وقلت صبابه@
اثرها غيم صيف(ن) شحت مزونه@

بدر بن احلاص بن ملحه

09-10-2009, 10:41 PM

الله الله عليكم يابن دراج والحوت

على اللعبه الكبيره تقبلوا اعجابي يا ثنين

ابن دراج

09-11-2009, 05:51 AM

بدر بن حلاص لاهنت يالغالي على المرور والمتابعه

$%الحوت%$

09-11-2009, 06:37 AM

خلوووها

عود على طبعه عسى الله يعافيه=لا ضيقوا له قام يرمي بلاويه
مايدري ان الناس تعرف مماشيه=والحق حق وقولو اللي تقولون

صاحبي حط نفسه سيد الغابه=ما درى ان الجمر من فوق غليونه
مخبل اللي بوسط الليل حطابه=كل ما ناشت ايديهم يخمونه

وٍسمي نـجـد

09-11-2009, 06:54 AM

صح السنتكم ياشعارنا ابدعتو متااااااااابع واصلو

ابن دراج

09-11-2009, 07:21 AM

خلووووووووووووووووووووووها

الشاعر اللي يدعي بالجزاله@
ليته ترك درب الجهل والجهاله@
من شان مايصبح على الناس عاله@
والحق حق وقولو اللي تقولون@
بالسيوف الصقيله جوك حرابه *** شفتهم بالضحى ذودك يسوقونه
وانت دربك عوج ولا مشينابه *** ليه اعدل واعقل ناس مجنونه

ابن دراج

09-11-2009, 07:29 AM

شاعر المستقبل لاهنت على المتابعه يالغالي

$%الحوت%$

09-11-2009, 07:51 AM

خلوووها

الشاعر اللي يدعي بالفهامه=وش فيه تالي صار مثل النعامه
ترى العرب تعرف جحا من كلامه=والحق حق وقولوا اللي تقولون

عندنا الروسي الكرزي وشبابه=لين موترك يمسح كل طبلونه
ذودنا محتمينه عادها نهابه=جعل ربي يخلي لك هل الشونه

ابن دراج

09-11-2009, 08:15 AM

خلوهههههههههههههههههههها

الحوت ضيع لين واجه مصيره@
ليته قبل يكتب لقا من يشيره@
عرض على حد السيوف الشطيره@
والحق حق وقولو اللي تقولون@
كان بالحوت عله مادرينابه *** ينشد اللي بماض الوقت ياتونه
وابن دراج باقي ماسك اعصابه *** للقشر والخشونه لاتحدونه

$%الحوت%$

09-11-2009, 09:18 AM

خلوووها

الصاحب اللي جاهل(ن) بالفرايض=عده من الايام مملي وفايض
ليته يخلي عنه بعض العرايض=والحق حق وقولوا اللي تقولون

انت من ناس نماكه ولعابه=ورمضان افلسوا به ما يحبونه
احذر الحوت لا تاتي على نابه=ثم تجي موتتك والكبد مغبونه

ابن دراج

09-11-2009, 06:57 PM

[/center]
هههههههههههههههههههه

لاهنت يالحوت لاهنت

والجايات اكثر ان شاء الله

[center]