السلام عليكم ورحمة الله وبركاته

محاوره بين الشاعرين الشاعر الضب الأسود وشاعر المعني :


الضب الأسود
من هاجسن يرقى شواميخ الجبال الشاهقات =سلام والمعنى على الخاطر بعيدن ديرته
ياشاعر المعنى عليك أمّن الرجال أملآحظات=الذيب الأشهب في ديار القوم بانت جرته
شاعر المعنى
من هاجس اللي لا بدع ما يبدع الا الطيبات = سلام يا اهل المنتدى واللي مطلع غيرته
راجع ضميرك والعلوم اللي تقول امسجلات= والضب الاسود ليته ايعود ويقراء سيرته
الضب الأسود
أبنصحك لاعاد تطمع فالسيوف المرهفات=ياراعي البندق ترى معناك صدّنا شارته
ليت الزمن يرجع دقايق للعصور الماضيات= من شان بعض الناس فالميقاف يبرد حرته
شاعر المعنى
ابا انصحك دامك تعرف النصح دون امقدمات = هرجتك هذي تجعل الشاعر يطلع شفرته
ماهوب من صالحك يرجع ثم تبين الخافيات = لاكن طر الجيب قبلك عالمن قد طرته
الضب الأسود
ياضلع من فوقك نجومن من سماها هاويات =كم واحدن شفّرتّه يظّهرها وتضرب عكرته
ماودنا نجعلك لقمه لطّيور الحايمات=ترى صحيبك كل هرجه قلتها ماغرته
شاعر المعنى

من بعدنا ياصاحبي راحت سوالفكم شتات=قرب لي العكره وناظرني وناظر عبرتـه
يااللي تقدم حجتك من دون برهان وثبات=ان كانها ماسرتك ترا العـدو ماضرتـه
الضب الأسود

أنته تبيها أمجامله لاكن بدون امجاملات=صاحبك رجال (ن) يداعب فالطواريق أمرته
ماقدّمك الاّ الموت الاحمر والسباع الجايعات=أن طعتني لا تقترب للموت جنّب سكرته
شاعر المعنى
ان كان تبغاها قدا وان كان تبغى المخطيات=دنياك باعت حظك الاقشر ولا عاد اشرتـه
ان طعتني هون وخل امهايطك واركد وبات=ماتوك الا حامي الصالي وحـرت جمرتـه


وفي الختام
صح الله السانكم يالشعار الضب الأسود يرهيبك الرجلي ويزري بك الخيال
شاعر المعنى إسم على مسمى أجبرتني المحاوره بينكم بالدخول وتنسيق مادار
بينكم من فتل ونقض ومعاني بعيدة المرمى غميضة المعنى شعراء قمه الإبداع
وفقكم الله لمايحبه ويرضاه وتقبلو نفوذي