السلام عليكم ورحمه الله وبركاته

محاوره رائعه وقديمه للشاعرين الشاعرعبدالله بن شايق القحطاني
والشاعر تركي 2000الميزاني سقطت البيت الاول من المحاوره
من الشريط الكاسيت ننقلها لكم مع التحيه


تركي=
سبحان رب تعالى برد احساسه =
من يوم مادق في الجلسات مرواسه=
ياقصر دسمان حولك ناس حراسه=
والي يدور لها لابد يلقاها=
انا نويت اعرف رفيع المقام =واعرف وش ليلى ومجنونها
بن شايق=
الليله الملعبه يمطير محكومه =
والورع ذاليل نبغى ناخذ علومه=
حضي معه قام والارزاق مقسومه=
واللي يدور لها لابد يلقاها=
ان كان بن شايق وقفلك تمام =قامت عيونك تمطر مزونها

انا معي عود كانك تبغي الدقه=
وان جبتها يالمطيري باطن الرقه
الي يسب العرب ماهو بمن حقه=
والي يدور لها لابد يلقاها=
خل القمر يطلع ويجلا الضلام =وام الكباير نكحل عيونها
تركي=
يارب سترك ترا منا بوياها =
اليا عطيتك علوم الطيب تنساها=
وتشوف جمر الغضا وتقوم تاطاها =
والي يدور لها لابد يلقاها=
مهما حصل في العلم شرق وشام= الناس صاحيها بمجنونها

عودك نرده على علباك ياشايق=
وان وزم العلم جبنالك ترا السايق=
الطيق والا انته مابعد طايق =
والي يدور لها لابد يلقاها=
الضاهر انك متبعت النضام= تبعت مستوره وغليونها
بن شايق=
يالعن ابو الملعبه والله لو تبكي=
ان كانها عايفتني قصدها تركي=
لاشك انا داري بنت الهوى تشكي=
والي يدور لها لابد يلقاها=
ماودي اكسر ضلوعك حرام =الله يرد الروس لمتونها

اخر زمن عود الجاهل يعلمني=
ويبيع دينه على شانه ويتهمني=
وان كان هذي علومه لايكلمني=
والي يدور لها لابد يلقاها=
خلك بضهر شعيل فوق السنام= شاشتك طلعنا تلفزونها
تركي=
يالعن ابو الملعبه ان كان تلعبها=
الملعبه ياولد معروف صاحبها=
وانتم ترا علقتكم في شواربها =
والي يدور لها لابد يلقاها=
انته تخلط في حلال وحرام= لابو مهمات تعرفونها

احر زمن انته تشيل الحمل يالفني =
ويجيك ياصاحبي في صماخك الجني=
وانا معك ماعلي اضحك وباغني =
والي يدور لها لابد يلقاها=
انته يهودي ماتصوم الصيام =ددسنك بالفلف دركسونها
بن شايق=
ياليتهم سجلوك العام في اللجنه=
حتى نحطك عجينت خبز منعجنه=
حاول تمشط قرونك واضهر الوجنه=
والي يدور لها لابد يلقاها=
الضاهر انك غارق في المنام= يادنة طلعت كربونها

معناك هذا تسند به وتنحيبه=
والحض ذاليل يوميبك وتوميبه=
اجمع مقاضيك والحق حرب وعتيبه=
والي يدور لها لابد يلقاها=
يابري حالي لا سمعت الحمام= حتى المشاعر هاضت شجونها
تركي=
انته يلولا علوم داخل الصره=
والله لانشبك واكربنك بالحره=
والمري الليل مايطلع لك الجره=
والي يدور لها لابد يلقاها=
قالو شعيل مجود بالخطام =وانتم حمولتنا تشيلونها

ياطاش ماطاش ركز وافهم الكلمه =
معناي ماتفهمه في اللحن والنغمه=
وانتا ترا جاك في صدرك الكتمه=
والي يدور لها لابد يلقاها=
انته يبن شايق تحب الطعام= وصحونكم مختض صابونها
بن شايق=
ان كان صادق ببو عرام قابلني=
والله لخفسك واخفسه خفسة الجني=
اتحكم اللعب حكم ونقلبه صني =
والي يدور لها لابد يلقاها=
كلا لشده عندنا والمسام= اكبودكم ماطابت طعونها

الورع معناه ياربعي مثل وجهه=
يجمع علوم مدري وين متجهه=
والله ضنوني تراها فيك مشتبهه=
والي يدور لها لابد يلقاها=
انا مسكت البنت مسك الزمام= بنت تحط الورع بزغونها
تركي=
انتا تباها مجامل مير لايمكن=
والله لقنك واصنك داخل المسكن=
حتى تعدل يبن شايق ولا تلكن=
والي يدور لها لابد يلقاها=
انته يبن شايق تحب العضام =مير البضاعه وسط كرتونها
بن شايق=
لو جيت بقصاي والله ماتحملني=
وان كان عملتك هذي لاتعاملن=
الله يلعنك اذا كانك تجاملني=
والي يدور لها لابد يلقاها=
ياشيخ كثر الطق فك اللحام= ليت العرب تمشي على هونها

عز الله اني طبق وانتا كما الشنه=
يادان يادان يالدندان يالدنه=
لا لا تمنن ماعهدي لك منه =
والي يدور لها لابد يلقاها=
خلاص مايلحقك مني ملام =انتا نضر عيني ومجنونها

شاعر المستقبل
شـكــ وبارك الله فيك ـــرا لك ... لك مني أجمل تحية .

سرى عليه ابو شنب

لا هنت ياشاعر المستقبل


تقبل مروري

شـكــ وبارك الله فيك ـــرا لك ... لك مني أجمل تحية

سرى عليه ابو شنب

لا هنت ياوسمي نجد


تقبل مروري

مشكوووووووور على المرور العطر
تقديري

مشكوووووور والله يعطيك الف عافيه

اي والله اللي سرا عليه ابوشنب

لاهنت ياشاعر المستقبل...

لا هنتو على المرور

لاهنت والله يعطيك الف عافيه ... تقبل مروري .

لاهنت الله يعافيك

شكراا من الاعماق

بحفظ الله وموفق خير

مشكوووووووور على المرور العطر
تقديري

ابوتركي


مشكوووووووور على المرور العطر

تقديري