معتق العياضي:
سلام الله سلام"ن"نسوقه للقحاطين=ولا يقصر عن الناس من قاصي وداني
يابن شايق جماهيرك تراعيك بالعين=ترى لسانك حصانك ترى لساني حصاني


عبدالله بن شايق:
هلا مرحبا جاك واحد باقي اثنين=لكن ارحب يامعتق باسم كل قحطاني
يقولون العرب ماتغير بالقوانين=وهذا الشوط الاول وباقي شوط ثاني

معتق العياضي:
الا ياصاحبي شاري الدنيا عن الدين=تحزم في مكانك ولاتاصل مكاني
زمنا نزل الروس من تحت الكراعين=توقع ياصل العلم مع عيد رمضاني

عبدالله بن شايق:
نبي نعطيك حلقة ذكر بين الصلاتين=وهذي لذة العمر دام العمر فاني
ليا طاح الجمل مانبي غير السكاكين=وانا للعيد أعد الدقايق والثواني

معتق العياضي:
والا ياراعي الذكر حدث للشياطين=بلاك الله واحمد ربي مابلاني
ترى مااحد"ن"يعدلك يارقاب البعارين=لو ان الخيزرانه بدلها خيزراني

عبدالله بن شايق:
ترى النيه سليمه وخل خويطرك زين=لعل ابوك وامك تحت خضر الجناني
انا بدهاك حتى تحرر لي فلسطين=ابيها فعل ماهو بهرج"ن"باللساني

معتق العياضي:
علومك بعضها حطها من بين قوسين=افسرها سليمه تفسر شي ثاني
تفكر بالبعيدين والاعداء قريبين=ياعنتر في زمان"ن"ماهو هذا الزماني

عبدالله بن شايق:
اذا داخلك شكه تريح ياأحمر العين=وتجي بعدين فارس ودور لك حصاني
انا برسلك بعثه ودوره يم بكين=لاجل ترجع مترجم ماتغبى ترجماني

ابو تركي

الله لايهينك على هذا النقل الشامخ

وصح الله السنت الشعار

والله يبطي ببن شايق

تحياتي لك ...

ارحب يابوسيف ولاهنت على المرور

صح السنتهم جميعا

لاهنت

صح لسان ابن شايق و معتق و شكر لناقل

محاوره جميله ولاهنت يالغالي ...

تقبل مروري ..

ابوتركي
لاهنت والله يعطيك العافيه ... تقبل مروري.

لاهنت يابو تركي
تقبل مروري العطر

هلا وغلا شيهانه وشكراا على المرور

ابيض المشعاب لاهنت على المرور

حماد شكراا على المرور

المصدوع شكراا لك على المرور

الشامخ لاهنت على المرور