لسلام عليكم ورحمة الله وبركاته
محاوره وبدايه قويه بين كل من الشاعر المحبوب المعروف
صاحب الإبداعات ابو تركي والشاعر المعروف حوران ولايهان


ابو تركي


سلام والخاطر على بعض العرب ماهوب زين=اقولها ولي مسوي له سواة ادرابها
تعال ياحوران والقاسي بها الدنيا يلين=مادام بعض الناس للمشروه تفتح بابها
حوران

يا مرحبا بك يا ابن عمي عطني العلم اليقين =الناس لامن صوبت ما ندري وشهو صابها
جيتك على المنوه وهذا سلم ربعـن طيبيـن =والكلمه العوجاء ترى بعض العرب ترضابها
ابو تركي

ابك البقاء ياالشاعر العملاق ابوقاف(ن) سمين=وانا ادري انكم كل كلمه حاسبين احسابها
اشوف بعض الناس ياكل في لحوم المسلمين=ولياء نصحته قال بعض الناس مانغتابها
حوران

الله يهديهيم ويجنبهم عن ابليس العيـن =ما ضاع حق الناس والوالي خلق كتابها
يوم القيامه يبعثون اما شمالن او يميـن =يوم الكتب يا صاحبي امسلمه لصحابها
ابو تركي

يامبارك ابن حلاص ياحوران ياليث العرين=سلّط على الي يمضغ الكلمه لياء من جابها
اقولها وتقولها واحلف على قولي يمين=يوم القيامه ماتفيد الناس طول اشنابها
حوران

لا يرتفع ضغطك على ناسن ضعوفن هالكين =فـي بالهـم بسواتهـم المرجلـه غنابـهـا
اشره على شروك اللي ذكرهـم لازم يبيـن =اللي على علوم المراجل يتعبـون اركابهـا
ابوتركي

مايرتفع ضغطي وانا يالقرم لي جنب (ن) متين=مادام ضيفتهم لحوم الناس وش نبغابها
بس الشعر ياهيض ولاّ غيض ياذرب اليمين=انحش علي من شجرت الزقوم ويّا دابها
حوران

ضني على ضنك وانا خابرك لي درعن حصين=ما هبة عدوانـك وعدوانـي بعـد مـا هابهـا
لا صرة واثق وش علي من ناس ماهم واثقيـن=القافلـه فـي دربهـا تسمـع نبـاح اكلابهـا


وأخيرا وليس آخرا صح الله السنتكم ياشعار لقد إستمتعنا معكم بهاذه المحاوره الجزله وشكرا للجميع

ارحب يابوعبدالله

والله مادري وش اقول وش اخلي

يعجز اللسان عن التعبير لك ايها الراجل المحبوب الصادق الوافي

فشكراا لك على ماتقوم به من جهد لتك المجالس الشامخه

والله ونعم الرجل ونعم الاب ونعم القبيله ونعم السمعه

بحفظ الله وموفق خير

لا هنت يا ابو عبدالله على على التنسيق ولا نستغرب منك الطيب

السلام عليكم ورحمة الله وبركاته
أخوي ابو تركي وخوي حوران لاشكر على واجب وهاذا أقل واجب إنقدمه لكم
ولشرواكم ولجميع مرتادين وزوار مجالسنا الرسميه الشامخه الأبيه التوثيقيه التاريخيه