السلام عليكم ورحمة الله وبركاته
محاوره شعريه بين الشاعر القهره والشاعر بن دراج أتركم مع الشاعرين





القهـره


قرب يابن دراج حيثك عارفـن علـم السلـوم **يامرحبا ياصاحبي جيتك بعـد طـول الغيـاب


ضيف العرب لامن لفا يبقى عزيزن ومحشـوم **بعض العرب تسمع بها لاجيتها ليهـا سـراب


ابن دراج


دام البقا يالقهره اللي ماضيـات(ن) لـه علـوم **ما ادري علام الذيب مايسري كما تسري الذياب


ضيف العرب له منزل(ن) عالي بمنزال النجوم **ان كـان قـدٌر منزلـه ولا يقـدٌم للحـسـاب


القهـره


لياانقطع جهد الفروخ الحـظ عيـا مـا يقـوم **ترى العوض ياصاحبي طير الهدد مخلب وناب


الضيف لو يرفع عصاه مايحلقه حذفـات لـوم **هذي سلوم المرجله ونشـد عواجيهـا عقـاب


ابن دراج


مانيب ناشـد دامنـي فالماقـف اسـد اللـزوم **الضيف لا من حل عند القوم ياتي لـه جنـاب


(وان كان غوج) معزب الضيفان عن مثله يشوم **ماله ورى ضيفة قليل العرف يالقهـره ثـواب


القهـره


في سلم بيضان الوجيه الضيف له قدر معلـوم‏ **اهل القنا واهل الكرم واهل الوفا واهل الحراب


شفت العبيـد الخيبـه تشنـا علومـن للقـروم **مير النبي قد قالها في العرق مدسوس الخيـاب


ابن دراج


البارحه شفت السماء في عرضها طير(ن) يحوم *كان احسب انه حر لكن اكتشفت انـه غـراب


الحر يشهر بالسماء لكـن فـرخ البـوم بـوم *والذيب ما لد النظر صـوب الثعالـه والكـلاب


القهـره


ترى العروق الخايبه تاتيك من سـود الخشـوم **يوم المطيه يسرت محدن شهد وقت الضـراب


مااقول الا عسى ربي يستـر عليكـم بالهـدوم **بعض الوسوم البينـه عيـت تغطيهـا الثيـاب


ابن دراج


القهره اللـي بالبلـد ماينعـرف مـن اي قـوم **حيث المطايا عندهم ماتجفل وعـوج الرقـاب


نشوف وجهه غير ويقول اللواهـب والسمـوم **لو كان ندري به وباللي خانـت بنـود الكتـاب


القهـره


ان كان ابن دراج يبغي له علمن غيـر العلـوم‏ **فانا زبون المعركـه حيثـك مكمـل للزهـاب


ليا اجفلت بنت الجمل شدت ورا تيـك الحـزوم* لو العزوم المايلـه تنقـا علومـن كالهضـاب




اشكر ولد عاصي الشعراء على التنسيق

محاوره رائعه ،،،،،،،،