المشعلي
عند ربع(ن)خنافر محتمين الجهام
مرحبا والسوالف عاليا(ن) شانها

ابن عتقان شاعر ماشيا(ن)بالنظام
ليلة(ن)يا جماعة غاب شيطانها



ابن عتقان
يسلمون الرجال الي عليها الكلام
جيت من ديرتي مكة على شانها

ابن عتقان له حاجة وغاية مرام
جاتك رسالتي والسر عنوانها



المشعلي
ياعزيز الجناب ويا رفيع المقام
كل حجة تقدم حسب برهانها

خلها باردوف وخلها بالسنام
بنشدك عن هنوف(ن) كثرة اخواناها




ابن عتقان
قول لي رقد منهو عليه السلام
الذيابه عليه اتحد نيبانها

وحده بالحم والي بعد فالعظام
جيت تبغى الهنوف وعيو اخوانها




المشعلي
اثرك ياعميلي غافل(ن) بالمنام
ادري ان الذيابه شاخة انيا بها

وعليك السلامة مايجيك الملام
تدري ان السفينة حسب ربانها



ابن عتقان
فيه ساعه تسميها الرجال انتقام
وان نشدني زميلي قلتله عانها

فرقو بيني وبينه عيال الحرام
لين بانت زيادتها ونقصانها



المشعلي
كلمتين تبارى ياعرب بازمام
والحضارم تتاجر حسب دكانها

حسبي الله عليهم قالها قبل عام
ولعوها ولكن راح دخانها




ابن عتقان
شاق قلبي يا بن قحطان صوت الحمام
ويش ادور مع الشعار والحانها

البطاله سببها طول وقت الوام
يالله استر على الديرة وقحطاناها



المشعلي
شاق قلبي يا بن عتقان زول النعام
قبل ترمي تركد شوف نيشانها

احمد الله عوافي محتزم بالحزام
يالله استر على الديرة وسلمانها



ابن عتقان
ما لقيتك مع التسليم والاسلام
يوم جاتك عتيبه تسرج احصانها

كل زحمة مع الشارع وراها اصطدام
اعرفوا راضي العالم وزعلانها



المشعلي
يا ويل امك تركد يالعين الرحام
ابك قحطان قوم شوف فرسانها

كان عندك هقاوي قولها بنعدام
لا تخش الغرف وتصك بيبانها



ابن عتقان
ناس تهرج كثير وناس تهرج عدام
وانت ولعة نار اعماك دخانها

انت يالي مسوي من عيال الامام
ابلشتنا الهنود بكثر جنجانها




المشعلي
مالقنينا شراب ولا لقينا طعام
حيت(ن) حية(ن) في جحرها تمغط لسانها

من سكن بالفلل ماعاد يبغي خيام
ابلشتنا الهنوف وكثر خبلانها

شيهانة نجد
لاهنتي على النقل الجميل والرائع وصح لسان الشاعرين
والله يعطيك العافيه ... تقبلي مروري.

ابيض المشعاب

شكرا على الرد

ولاهنت

لاهنت الله يعافيك

شكراا من الاعماق

بحفظ الله وموفق خير

ابو تركي

لاهنت