(بن حمري )

يامحمد إبن سليس جهّز نفسك أبنكشف علاك
حتى يبيّن من معه سكر مـن اللـي مامعـه
واليا ظهر بك سكّرن فى الدم قلّلنـا حـلاك
وإذا نقص في دمك السكر نجيـك ونرفعـه


(محمد السليس)

ياعلى ابن حمرى ترى لو مالله الهادى هداك
يبا يجيك اليوم فالميدان قنـص وجربعـه
اظغط هنـا والا هنـا والا هنـا والاهنـاك
بأذن الله انى لآخذ الرايـه وكفـك لاجبعـه


(ابن حمري)

مصيبه إنّا نشتري ودِّك ولا نكّسب رضاك
واكبر مصيبه تقّنع اللي ماش شيءٍ يقنعـه
ياكم خذينا ثوبك الابيض وكم كلنا عشـاك
علة محمد مايطيع الامـر ليـن تجوّعـه


(محمد السليس)

ياعلى لاطبيت فالميدان هات اللـى وراك
حنا نقول العلم وانت العلم ليتك تسمعـه
لاشفتنا نمزح معاك وشفتنا نضحك معاك
ماهو دليل ان السما زرقا والارض مربعه


(ابن حمري)

علمي بقااك بخير من ربي وزايدها عفـاك
مافيه علمن كل شي منوضع فـي موضعـه
لو ابغي اجازيك يابوسليس ما لحّق ( يزاك )
لاضقت ناديتـك تـرد القـاف ولا تبدعـه


(محمد السليس)

ترى محد شكك بقدراتك ولا في مستواك
تقدر تذب الريع في قمزه وتقدر تقطعـه
ياعلى انا خابرك مهما صار مايلحق مداك
سبع ومخالب كل سبع ٍ فالزمان تسبعـه


(ابن حمري)

الواثقين املوك والواثق ملك ؟ ولاّ ملاك؟
بيني وبينك مشترك قاسم ورزق ومنفعه
شهادتك وسام ياعتيبي لكن إلحس قفـاك
تبغى تطبّق فيني اللي قال طِرّ به وأمّزعه


(محمد السليس)

لو قلتلتى تبت يدى ماقلتلك تبت يـداك
ترى الحباري حايمه والا الحرار مبرقعه
انشد هذا والا هذا والا هذا والا هـذاك
ترى العتيبي يقدر يدير البسيطه بأصبعه


(ابن حمري)

لوما أحبك كان خليتك كذا علـى عمـاك
نصيحتي لك شي أكبر منك جنّبه ودعـه
من كثر ماغيّرت توقيعك وغيّرت اصدقاك
تغير اسلوبك من التفجير الـى الطرطعـه

</b></i>

علة محمد مايطيع الامـر ليـن تجوّعـه
مشكوووووور والله يعطيك الف عافيه
محاورة جميلة وممتعة

الواثقين املوك والواثق ملك ؟ ولاّ ملاك؟
بيني وبينك مشترك قاسم ورزق ومنفعه
شهادتك وسام ياعتيبي لكن إلحس قفـاك
تبغى تطبّق فيني اللي قال طِرّ به وأمّزعه




ههههههههههههه

والله انك جزل ياااراية الشعر لافي النظم ولا في المحاوره ...


لاهنت ع النقل يااذيبااااان ولا تحرمنا من ابدااعك//



.

تقديري وأحترأمي

مشكوووووووور ويعطيك العافيه ... تقبل مـروري .

لاهنت الله يعافيك

شكراا من الاعماق

بحفظ الله وموفق خير

لا هنت يا الكاسر على النقل