ان كان فالشعار شاعر يستطيع** يقرب على الطاروق جعله مايهون
ذالليل يالشعار ما مني مفر ** ومسيلمه كذاب ومحمد نبي

حطيت معنا القاف بالحصن المنيع ** ان كان بالشعار ناس يفهمون
ابغى من الشعار شاعر معتبر ** ومسيلمه كذاب ومحمد نبي

صح السانك يا ابن دراج
وننتظر الشعار
وازهل الصفوف

أبن دراج


بيض الله وجهك كانك جزل وشاعر


مبداء كاايف وننتظر الشعــااار ... :)

ارحب ارحب
يا ابن دراج
بيض الله وجهك على هذا الأبداع والطارووق الممتاز
وفي انتظار احد الشعار

اخواني المصلح وسعد الخنفري وراعي الشقحاء

لاهنتو على المرور العطر وبيض الله وجيهكم

ابن دراج بيض الله وجهك
على الطاروق الرئع تقبل مروري
وفي انتظار احد الشعار

ابطوا عليك وجيت بالخط السريع=ما داموا الشعار عيوا لا يجون
شعارنا صاروا مثل دولة مصر=ومسيلمه كذاب ومحمد نبي

قاف طرقته كنه الحمل الوديع=دامك زبون له فانا مثلك زبون
والحصن لو تنطحه مالد النظر=ومسيلمه كذاب ومحمد نبي



والمعذره يابن دراج ترى ماني بشاعر

لكن شفت طاروقك ابطى ماحد رد عليه وقلت نحاول على قدنا

لاهنت يا بن دراج على هذا الطاروق
الله يعطيك العافيه

لامن ومرت القاف ملزوم(ن) يطيع ** ايطيع والشعار ماهم بيعصون
ارحب عدد ماهل همال المطر ** ومسيلمه كذاب ومحمد نبي

القاف لاجبته يهابونه جميع ** حيث ان قافي لاسطى يعمي العيون
ماهوب عيب انهم يهابون الخطر ** ومسيلمه كذاب ومحمد نبي

صح لسانك يابن سفران انت وافي وابياتك وافيه

ابن دراج بيض الله وجهك
على الطاروق الرئع تقبل مروري
وفي انتظار احد الشعار

ووجهك ياكحيلان ولاهنت على المرور العطر

أرحب أرحب يابن دراج

عز الله أن طاروقك رهيب

وأني مسكت نفسي ولا جبت

العيد و خشيت عرض الله

يوفقك و يجيب الشاعر الثاني

تقبل مروري و إحترامي

تبقا ياقرناس الجحادر والله لايهينك على المرور

انا مع اهل السوق جيت اشري وابيع=مادام وسط السوق ناس يعرضون
ولك البقا واعداد ماضم البحر=ومسيلمه كذاب ومحمد نبي





والقاف لا منه سطى يرجع منيع=يجونك الشعار والا يقعدون
يالعنبوا رجل يخاف من القدر=ومسيلمه كذاب ومحمد نبي

اليا نويت الخط حذرا لاتضيع
اضبط طريقك صح لا تخطي العيون
اسرح نهار احسن من اتعاب السهر
ومسيلمه كذاب ومحمد نبي
النارلاشبت على القاسي يميع
احذر تضيع علوم راعين الضنون
ان كان ماعندك خبر هاك الخبر
ومسيلمه كذاب ومحمد نبي

ابن سفران بيض الله وجهك على الرد الوافي
تقبل مروري

اليا بغيت الزرع لا تزرع ضريع
اعوذ بالله من طعام الكافرون
ماكل زراع(ن) يحصل له ثمر
ومسيلمه كذاب ومحمد نبي

ياصاحبي لا تقرب السد الرفيع
اليا اشتكت قيعانها وبل المزون
السيل لا منه تزبر بيحدر
ومسيلمه كذاب ومحمد نبي

ياهاوي السرعه ترى الحادث شنيع
احذر من الفرمل لعله مايخون
واليا بغيت اجيك لو تبغى الفجر
ومسيلمه كذاب ومحمد نبي
قافك مرتب صح مقبول وفضيع
واصنفك من ضمن ناس يشعرون
الله يوفقك ويعينك بالصبر
ومسيلمه كذاب ومحمد نبي

لا شفت لك ياصاحبي حادث مريع
خلك مع اللي يسمعون ويبصرون
ترى الحياة احداث ودروس وعبر
ومسيلمه كذاب ومحمد نبي

والقاف لا جبته يجي مثل الذريع
اضرب بها الروس وتطير من المتون
والناس قالت كل من يصبر ظفر
ومسيلمه كذاب ومحمد نبي

الله الله عليكم

والا الله اكبر عليكم


ياشعار

محاوره ممتعه


تقبلووو


مروري

ذريعك اللي تدعي به لايضيع
يالله عساكم تآكلون وتشبعون
وانا باطفي نارك اللي تستعر
ومسيلمه كذاب ومحمد نبي
واليا ومرت القاف لامري يستصيع
ابدع واغني واكثر الناس مغبون
القاف اصوغه وانحته نحت الصخر
ومسيلمه كذاب ومحمد نبي

ذريعي ان ضاعت معي شلفا الفديع
اللي بها كل القبايل يسمعون
ماتضرب الا من تحت ثغب النحر
ومسيلمه كذاب ومحمد نبي

واللي على الشاشات باخباره يذيع
لا يورد الا النادرات من الفنون
وحذرى يجي مثل الجزيره في قطر
ومسيلمه كذاب ومحمد نبي

كان الذريع يضيع دور لك شفيع
يعقل المجنون من دنيا الجنون
فيك النتيجه سجلت واحد صفر
ومسيلمه كذاب ومحمد نبي
انا اتحرى عنك لكنك صديع
ماتعرف الصادق من اللي يدعون
ترى الظنون الضايعه موتن حمر
ومسيلمه كذاب ومحمد نبي

وش فيك خايف وانت في المعنى ضليع
متعب عينك وتعبت الجفون
اصبحت مضرب للمثايل في الحذر
ومسيلمه كذاب ومحمد نبي

لو العرب تقرى كتابك يابديع
لقيتهم في كل درب يبدعون
ياليتك تميز جمادا من صفر
ومسيلمه كذاب ومحمد نبي

انا العب القيفان من بالن وسيع
واميز الخبلان واللي يفقهون
اغلف المعنى وازته بالنهر
ومسيلمه كذاب ومحمد نبي
وانته كما اللي طاح بالرقه صريع
يبغى المقام وما لقى اللي يسعفون
ياشين ميتة صاحبي ميتة قهر
ومسيلمه كذاب ومحمد نبي

بيض الله اوجيهكم على ذا القاف الرائع تقبلو مروري وحترامي

بيض الله اوجيهكم على ذا القاف الرائع تقبلو مروري وحترامي


ووجهك يالفارس لاهنت على المرور العطر

ياصاحبي لا تحسب الدنيا ربيع
ولاتحسب ان الناس مثلك غافلون
عيد الضحيه غير عن عيد الفطر
ومسيلمه كذاب ومحمد نبي

الحمد لله كل ماذبيت ريع
امشي ولا اتبع والعرب لي يتبعون
والا انت ليلك ساري وسط الحفر
ومسيلمه كذاب ومحمد نبي

الله يعطيك العافيه يابن سفران

تقول مانت بشاعر الا شاعر وجزل من الدرجه الاولى

لنا لقاء آخر ياذيبان

الله يعطيك العافيه يابن سفران

تقول مانت بشاعر الا شاعر وجزل من الدرجه الاولى

لنا لقاء آخر ياذيبان


ويعافيك ياغالي

وشرف لي أن يشهد لي أمثالك وشهادتك وسام على صدري

والجزالة انت راعيها وشكرا لك

والشكر موصول لجميع من شرفنا بمروره ومشاركته

ابن دراج ابن سفران

محاورة حماسية وابيات جزلة

يعطيكم العافيه وما قصرتو

لكم مني جزيل الشكر والتقدير

محاوره ممتعه وحماسيه